Аюулгүй байдал

Таны гэрээ браузераас сервер хүртэл шифрлэгдсэн сувгаар (HTTPS/TLS) дамжина. Өгөгдөл нь шифрлэгдсэн санд, гэрээний файл нь нийтэд хаалттай хувийн санд хадгалагдана — файлын хаягийг мэдсэн ч эрхгүй хүн нээж чадахгүй.

Өгөгдлийн сангийн түвшинд хандалтын хяналт (Row Level Security) ажилладаг: хэрэглэгч бүр зөвхөн өөрийн гэрээг харна. Энэ дүрэм аппын кодод биш, санд өөрт нь шингэсэн тул аппын алдаа ч үүнийг тойрч чадахгүй.

Харилцагчид өгөх линк нь урт, таамаглах боломжгүй нууц түлхүүр агуулдаг бөгөөд зөвхөн тухайн нэг гэрээг нээнэ. Та линкээ хэдийд ч хүчингүй болгох, хүчинтэй хугацаа тавих боломжтой. Линкийг вэб хаягийн мөрөнд биш, далд толгойд дамжуулдаг тул лог, түүхэнд ил үлддэггүй.

Харилцагч «Зөвшөөрөв» дарах мөчид гэрээний файлын криптограф хуруу (SHA-256 hash) серверт тооцогдож тэмдэглэгдэнэ. Хожим файл ганц ч үсгээр өөрчлөгдвөл код таарахгүй болно — өөрөөр хэлбэл зөвшөөрөгдсөний дараа гэрээг хэн ч (Гэрээч өөрөө ч) сэмхэн засах боломжгүй. Кодыг гэрээний хуудсан дээрээс хараад, татсан файлаа тулгаж шалгаж болно.

AI туслах функц (талбар таних, гэрээний хяналт) ашиглах үед тухайн баримтын агуулга Anthropic-ийн API-д боловсруулагдана. Anthropic нь бизнес хэрэглэгчийн өгөгдлийг AI загвар сургахад ашигладаггүй — таны гэрээ бусдын AI хариултад «гарч ирэх» эрсдэлгүй. AI ашиглах эсэх нь бүрэн таны сонголт: ашиглахгүй бол агуулга илгээгдэхгүй.

Устгасан гэрээ 30 хоног хогийн саванд хадгалагдсаны дараа бүрмөсөн устана (санамсаргүй устгалаас хамгаална). Бүртгэлээ бүхэлд нь устгуулахыг хүсвэл бид таны бүх мэдээллийг бүрэн устгана.